Asiasi le komiti faafoe o le poloketi ST$miliona i Savai'i

Na fa'aauau i Savai'i i le vaiaso nei le asiasiga a le komiti o loo gafa ma le faasoaina o le ta'i ST$miliona a itumalo palota, ma molimauina pe o fa'aaogaina tupe o le poloketi i auala talafeagai ma ta'iala ma aiaiga e pei ona tu'uina atu ai.

Sui palemia ma nisi o sui o le kapeneta a le Faatuatua i le Atua Samoa ua Tasi.

Na fa'aalia le talisapaia ma le fiafia e nisi o itumalo o le fesoasoani i le atina'e o nu'u ma alaalafaga, ae na faitio ma aumaia le faasea a nisi i le le faatupeina atoa e le poloketi o fuafuaga e pei o le tau o falea'oga.