Aupito William Sio i mafua'aga na ia lagolagoina ai le Abortion Bill i Niu Sila.

O le masina na te'a nei na pasia ai i le palemene o Niu Sila le tulafono e mafai ai ona faamutaina se ma'itaga o tina ma tama'ita'i, se abortion.

Aupito William Sio, New Zealand minister of Pacific Peoples and Associate minister of Justice. Source: Radio New Zealand.

Na saunoa le sui faipule o le itumalo palota o Mangere, le Afioga Aupito William Sio i se talanoaga ma le SBS Samoan, e le faigofie ia te ia le mataupu i le abortion.

Peita'i na ia lagolagoina le tulafono ona ua ave'ese mai ai le mataupu mai lalo o le Tulafono o Soligatulafono (Legal Framework) i lalo o puipuiga o le soifua maloloina (Health Legal Framework).

Na ia saunoa fo'i o le pasia o le tulafono lenei, ua iai ma le naunauta'iga ia te ia ma le malo, ina ia taofia ai le tupu mai o faalavelave e pei ona fananau ai nisi o tamaita'i ma lafoa'i a latou pepe ona o le fefe ma le ma-asiasi.