Ausetalia setete 51 o Amerika - Paul Keating

I le polokalame le 7.30 a le ABC, na faaalia ai e Paul Keating ona manatu i le feagaiga mo le puipuiga le AUKUS.

Palemia o le faigamalo a le Labor i tausaga ua mavae, Paul Keating. Source: AAP

Na saunoa Paul Keating, o le feagaiga i le va o Ausetalia, Amerika ma Peretania, e matua leai se aoga i le lumana'i ma le puipuiga o Ausetalia.

Na ia saunoa o se feagaiga e fa'amalieina ai Amerika, ma ia ta'ua ua toetoe ina avea le atunuu ma setete lona 51 o Amerika.

Na te'ena e le minisita o le puipuiga, Richard Marles, manatu o Paul Keating. Na saunoa Richard Marles, o le autu o le AUKUS, o le puipuiga o le lotoifale o le atunu'u.