E iai se tupe e sefe ina ua uma ona totogi au pili?

A mae'a ona tipi le lafoga mai lou totogi ma faaopoopo iai isi tupe maua a lou aiga, o le aofa'i e totoe mai ai e fai ai lau faasoa e faaigoaina o le disposable income.

Faigata le faasoa i le taugata o le soifuaga. Source: Pixabay / Pixabay/stevepb

O le vaega tupe lea e fa'aaoga i le totogiina o pili e pei o le malosi 'eletise, suavai, ma le faatau mea'ai o le vaiaso, ae maise le tausiga o le fanau.

I se su'esu'ega faato'a faasalalauina, na ta'ua ai o le to'atele o aiga i Ausetalia, na o le 1.1% o tupe maua e mafai ona sefe ina ua mae'a le faasoa i mea e tatau ona totogi muamua - e pei o le 'eletise, kasa, suavai, mea'ai, rent, ma pili o a'oga a le fanau.

O lona uiga, o aige nei e matua leai se avanoa e mafai ai ona sefe se deposit, se tupe faamau e faatau ai se fale, ma o le a fa'aauau ona mau totogi i fale o isi tagata mo ni auga tupulaga.