E le'i a'oga faa-foma'i Raffaele di Paolo ae 10 tausaga o ia togafitia ma'itaga o tina.
E 9 tausaga ma le 6 masina i le fale puipui le faasalaga na tuuina mai e le faamasinoga i le alii o Raffaele di Paolo o se sitiseni o Italia ma Ausetalia i lona faia o togafitiga o se foma'i faapitoa o ma'itaga o tina, poo se gynaecologist, e ui e le'i a'oga faa-foma'i. O lana tau faasese na amata i lona atunuu o Italia na ia gaoia ai se faailoga faa-foma'i i togafitiga e aofia ai le gynaecology ma le obstetrics. E faitau selau afe tala na ia maua mai ulugalii na ia togafitia i le 'ova i le 10 tausagao lana tau faasese.
Share
