O le naifi e faaigoaina o le KIRPAN ma o se vaega o la'ei o tagata Sikh. Na faatagaina ona tau'ave e tamaiti Sikh a latou Kirpan i a'oga i New South Wales, se'ia tau mai i le Aso Lulu o le vaiaso nei lea na faasaina ai i lalo o le tulafono.
E ui i le tele o tausaga o iai lenei faatagaga fapitoa i tamaiti Sikh, e le'i silafia e le palemia Setete o New South Wales, Gladys Berejiklian le iai o se tulafono faapenei.
Ae ina tupu mai le faalavelave i se a'oga i Sini, na tui ai e se tamaititi Sikh seisi tamaititi i lana Kirpan, o lea ua pasia ai se Sa i tamaiti uma ona tau'aveina soo se ituaiga naifi i a'oga, tusa lava pe o se vaega taua o lana tapuaiga.
