Ua sauni atu le NSW Samoan Senior Rugby Union mo la latou Gala Ball 2026 i le Aso Toonai o le vaiaso fou 15 Aokuso ma ua vaaia foi le sologa lelei o tapenaga a latou au i le tauvaga o faagasolo.Saunoa le tamaitai failautusi ia Emeline Mataia-Volkman pe tusa ma le 189 tama taaalo lakapi mai Samoa ua sao mai i totonu o lenei polokalame ma maua a latou konekarate lakapi e agai atu ai i atunuu Asia pei o hong kong ma Shri Lanka.O le faaauau ai pea o lenei auaunaga sa sau ai a o tau amata mai e nisi suafa iloga i le lakapi pei o Nua Tavita Sio,Gisa Vili Alaalatoa,Francis Betham ma nisi o tamalii.E toatele foi sui o le Manu Samoa na fofoa atu ai i lenei Iuni e pei o Fua Veiru,Nifo Vaeluaga,Fosi Palaamo,Michael Alaalatoa ma nisi.
O loo faagasolo pea galuega a le NSW Samoan Senior Rugby Union e ui o loo mu falo le Lakapi Samoa ma le SRFU i Apia.E tusa ma le 300 ma ona tupu tagata o le a afifio atu e lagolago la latou Gala Ball 2026 i le Aso Toonai o le vaiaso fou i Liverpool i Sini.O lenei Gala Ball e faatupe ai le faagasologa o polokalame a le Iuni mo le 2026-2027 aemaise ana malaga i taamilosaga e tauva ai i isi setete o Ausetalia nei.pe tusa ma le 189 tama taaalo mai Samoa,Niu Sila ma Ausetalia nei ua fesoasoani iai le Iuni ma maua ni a latou konekarate i atunuu i fafo.
Share
