Faaalia e Malcolm Turnbull se faato'esega i tagata na sauaina o laiti.

Ua faaalia e le palemia Malcolm Turnbull se fuafuaga a le malo tele i se faato'esega aloa'ia i tagata na sauaina e auala i le faia iai o feusua'iga faamalosi ma isi faiga mataga i le taimi o laiti.

Ripoti a le Komisi Su'esu'e, Royal Commission into Institutional Responses to Child Sexual Abuse ina ua tau'a'aoina aloa'ia i le palemene. Source: Australian Government Royal Comm

E 122 fautuaga poo recommendations na tuuina mai i le ripoti a le Komisi Su'esu'e le Royal Commission into Institutional Responses to Child Sexual Abuse. Na faaalia e le palemia, e 104 recommendations ua talia ma amataina ona faatino e le malo, e aofia ai se Ofisa mo le Puipuiga o Fanau. E aofia ai i le tali a le malo i le ripoti a le Komisi Su'esu'e se faato'esega e fofogaina e le palemia i le Aso 22 o Oketopa.