Faae'e le tikeri 'Honorary Doctor of Laws' i le palemia o Samoa

O lenei faailoga tikeri taualoa, na tau'a'aoina i le palemia le Afioga i le Sa'o Faapito, Fiame Naomi Mata'afa, e le Iunivesite Aoao o Samoa, e avea ma pine faailoga o lana tautua matavela i le atunu'u ma ona 'upufai.

Fiame Naomi Mata'afa Credit: RNZ Pacific.

O le sui faipule o Lotofaga le palemia tama'ita'i muamua o le malo tuto'atasi o Samoa, ma o ia na se'ei i le tofi o lona itumalo e amata mai i le 1985 ma avea ai ma minisita i nisi o matagaluega i lalo o faigamalo a le HRPP ae le'i faavaeina le vaega 'upufai a le Faatuatua i le Atua Samoa ua Tasi (FAST) lea ua ta'ita'i ai ma se'ei ai i le tofi palemia.