Ua faamalolo e le Kapeneta o le malo Samoa le sa avea ma pule o le Ofisa o Faamasinoga, Papalii John Taimalelagi Afele.
O le fautuaga na faia e le pulega o tagata faigaluega a le malo, le PSC, i le masina o Mati na faamalolo ai Papalii John Taimalelagi Afele mai le tofi, ae o lea ua faatumauina i se faai'uga a le Kapeneta. I seisi mataupu ua faaalia le toe suia o le faai'uga a le na avea ma peresitene o le faamasinoga o fanua ma suafa, Fepulea'i Atila, lea na faamaonia lona moliaga o le faao'olima e le faamasinoga o faai'uga toe iloilo.
Share
