Faamaonia moliaga o le faalemigao i le faamasinoga na faasaga i le ta'ita'i o le HRPP ma nisi.

Ua faamaonia i le faamasinoga sili moliaga na faasaga i le ta'ita'i o le HRPP ma le ituagai, Tuila'epa Sailele Malielegaoi, atoa ai ma nisi o le vaega 'upufai a le HRPP ma le sa avea ma loia sili o le malo Samoa.

Prime Minister of Samoa Tuilaepa Aiono Sailele Malielegaoi in Sydney, Saturday, September 7, 2019. Source: AAP

E ui ina faamaonia moliaga, ae le'i aumaia ai ma ni faasalaga i le solitulafono, le contempt of court.

O moliaga nei na afua mai i lafoga na faia e le ta'ita'i o le HRPP, Tuila'epa Sailele Malielegaoi, ina ua mae'a faigapalota lea na manumalo mai ai le vaega 'upufai a le Faatuatua i le Atua Samoa ua Tasi (FAST).

Na molia ai fo'i ma le failautusi o le vaega 'upufai, Lealailepule Rimoni Aiafi, se tasi o loia sinia i Samoa, Maiava Visekota Peteru, ma le sa avea ma loia sili o le malo, Savalenoa Mareva Betham-Annandale.