Faamavae Fiame Naomi Mata'afa mai le HRPP.

Ua faamavae ma le vaega 'upufai le HRPP le sui palemia, le sui faipule o Lotofaga, le Afioga i le Sa'o Faapito Fiame Naomi Mata'afa.

Sui faipule o Lotofaga, Afioga i le Sa'o Faapito, Fiame Naomi Mata'afa. Source: RNZ.

Na ia faaalia i le sui o le SBS Samoan i Samoa, Galumalemana Autagavaia Tipi Autagavaia, mafua'aga o lona tu'ua o le HRPP, lea na avea ai o ia ma seisi o sui aupito 'umi o tautuaina, ma ia umia ai le tofi minisita o le Kapeneta i le tele o paea'iga ua tuana'i.