Faamavae le Komesina o puipuiga i faiga faailoga lanu

Ua faamavae le Komesina o mataupu i le puipuiga mai faiga faailoga lanu Dr Tim Soutphommasane.

Source: AAP

I lana lauga faamavae ae le'i tuua le tofi Komesina o le Komisi e gafa ma mataupu i le puipuiga mai faiga faailoga lanu, le Race Relations Commission, na saunoa Dr Tim Soutphommasane o se tulaga e faanoanoa ai le toe moliamuina i Ausetalia nei o lafoga ma manatu o loo tulei ai manatu faailoga lanu ma faapito 'ese i isi tagata. Na ia faasino i lafoga a faipule o le palemene tele, e aofia ai le palemia ma sui o le Kapeneta, atoa ai ma nisi o le au tusitala faasalalau e faasaga i kegi a tupulaga e afua mai Aferika i Melbourne.