E 12 masina i le fale puipui le faasalaga na tu'uina mai e le famasinoga i Newcastle ia Archbishop Philip Wilson, ma ua avea ai o ia ma tagata mautofi aupito sinia o le Ekalesia Katoliko Roma ua faasalaina i se faai'uga a le faamasinoga e afua mai i solitulafono na faia e patele ma isi tagata o le Ekalesia i tamaiti i tausaga ua mavae.
O le Aso 14 o Aukuso e iloa ai pe tuli le faasalaga o Archbishop Philip Wilson i le saisaia i totonu o lona fale (se intensive corrections order) pe o totonu o se fale puipui. O moliaga na faasino ia Philip Wilson lea ua faasalaina ai, e afua mai i le 1970-1980 o loo tu'ua'ia ai o ia i le nana ma faalafi solitulafono a se patele e igoa ia Fr James Fletcher na faia i tamaiti. O ni tamaiti ua matutua nei, na molimau i lo latou logoina o Philip Wilson i solitulafono na faia e James Fletcher ia te i latou. Na saunoa le faamasino ina ua tuuina mai lana faai'uga, na sili atu ia Philip Wilson le puipuiga o le igoa ta'uleleia o le Ekalesia Katoliko Roma nai lo le saogalemu o le fanau.
Share
