Faatonu e le Faamasino Sili le fa'aauauina ona iloilo e le Supreme Court le tagi a le FAST.

Ua 'auato i fafo e le faamasinoga maualuga le talosaga a le Loia Sili e faamuta ai ona toe tagofia e le faamasinoga le tagi a le vaega 'upufai le Faatuatua i le Atua Samoa ua Tasi (FAST), ona o le faatonuga mai le Ao o le Malo e toe faia palota i le Aso 21 o Me.

Fale Faamasino i Mulinuu. Source: Getty Images

E ono aumaia i le amataga o le vaiaso a sau se faai'uga a le Supreme Court, ae le'i alo atu le atunu'u seisi faigapalota - pe a taunu'u.

O le a faamanino mai ai le tulaga i le pule ma le aia i le Ao o le Malo e faaleaogaina ai le filifiliga a le atunu'u, atoa ai ma le mataupu i le 10% o sui tamaita'i i le palemene, lea na tofia iai e le Ofisa o Faigapalota ma saini a'a'o iai le Ao o le Malo se sui tamaita'i ua tutusa ai nei le aofa'i o sui faipule o itu a le FAST ma le HRPP. (Ina ua filifili lena o le sui tuto'atasi ia Tuala Tevaga Ponifasio, e auai i le fa'afaletui a le FAST.