Ua talia e Tony Abbott lona malolo i le palota mo le nofoa o le itumalo palota o Warringah.
E 25 tausaga na se'ei ai Tony Abbott i le nofoa o le itumalo palota o Warringah mo le vaega 'upufai a le Liberal Party, ma i lena taimi 'umi na ia umia ai nisi o tofi minisita o le Kapeneta, ma avea ai fo'i o ia ma ta'ita'i o le itu-agai atoa ai ma le tofi palemia. Ae i faigapalota i le vaiaso na te'a nei, na faia'ina ai Tony Abbott i le sui tuto'atasi o Zali Steggal, ma o le taimi muamua lenei ua mamulu ai le nofoa o Warringah mai le Liberal Party.
Share
