O loo faitioina e le Sosaiete a Loia ma nisi o Faamasino le tulafono taufa'aofi a le malo Samoa e tu'u mavaevae ai pulega o faamasinoga i le atunu'u.
I lalo o le tulafono e pei ona faia iai felafolafoa'iga i le maota faitulafono o le malo tuto'atasi o Samoa, o le a tu ma'oti ai le pulega o le faamasinoga o Fanua ma Suafa.
Na saunoa le palemia o Samoa, Lupesoli'ai Tuila'epa Sa'ilele Malielegaoi, o le autu o le tulafono, ina ia atagia i le tulafono lenei le tulaga 'ese o le faamasinoga o Fanua ma Suafa i le tu ma aganu'u a Samoa, ma o le a aga'i 'ese ai Samoa mai faiga kolone e pei ona fausia ai faamasinoga i le atunuu e oo mai i le taimi nei.
Share
