Fautua le palemia o Samoa ia Papalii John Taimalelagi Afele e talia le faai'uga a le PSC

Ua fautuaina e le palemia o Samoa, o ia fo'i le minisita o le matagaluega e pulea tagata faigaluega a le malo (PSC), le na umia le tofi Pule o le Ofisa o Faamasinoga Papalii John Taimalelagi Afele ina ia ia taliaina le faai'uga ua aumaia e le PSC e faamuta ai lana tautua i le matagaluega o Faamasinoga.

Fale Faamasino i Mulinuu. Source: Getty Images

E pei ona lipotia mai e Galumalemana Autagavaia Tipi Autagavaia mai Apia, na tau'a'aoina i le minisita o le PSC, le palemia Tuilaepa Sailele Malielegaoi se tusi mai ia Papalii na ia tu'ua'ia ai se tasi o Komesina o le PSC i le faamalosia o ia e faamavae.