Fautuaga mai ia Muliagatele Faatau mo tagata Samoa i Melepone.

Na fautuaina e se tasi o tamali'i o le atunu'u e aumau i Melbourne, Muliagatele Nofoituala Faatau, le mamalu o Samoa i Vitoria ina ia usita'ia faatonuga mai le malo i Sa ma Vavao i puipuiga o le pepesi o le COVID-19 i le Setete.

Pacific Islands Creative Arts Australia based in Melbourne performing Siva. Source: PICAA/Rita Seumanutafa.

I se talanoaga ma le SBS Samoan, na faapitoa le fautuaga a Muliagatele i le tausia lelei o nai matua.

O le toatele o tagata ua maliliu i le faama'i o tagata matutua na tausia i nofoaga aged care, ae ona o Samoa e tausi lava e le fanau matua i aiga, o lea na toe faamanatu ai e Muliagatele le mamalu o Samoa e tausisi i le tu-mama e puipuia ai matua mai le pesia i le coronavirus.