Ua aumaia se fautuaga mai le malo tele i tagatanu'u uma i Ausetalia ina ia taofia ni malaga i atunu'u i fafo mo le taimi nei.
Ua to'a ono tagatanu'u Ausetalia ua maliliu mai le COVID19 ma le to'atele ua pesia. Ua aumaia se lapata'iga mai le malo tele, ina ua fautuaina e se Komiti faapitoa a foma'i, i le tatau ona taofia uma malaga i atunu'u fafo. Ua faatapula'aina i le to'a selau tagata e potopoto i potu ma totonu o fale, ma le to'a lima selau o tagata i nofoaga ta'alaelae.
Ua faitioina e nisi o foma'i le faai'uga a le malo tele e faaauau ona tatala a'oga a le fanau, ma ua latou faailoa i se tusi lo latou tete'e i le palemia Scott Morrison.
Share
