Iloiloina le Administrative Appeals Tribunal

Ua valaauina e le malo se toe iloiloga o le itutino e faia faai'uga toe iloilo, le Administrative Appeals Tribunal.

O le iloiloga o le AAT o le a faatautaia e le Faamasino malolo le Afioga Ian Callinan. Source: SBS

O le tele o faai'uga e toe soloia e le AAT (Administrative Appeals Tribunal) o faai'uga na faia e le matagaluega o le malo e pei o faatonuga mai le matagaluega o Home Affairs ma Femalaga'iga e toe tipoti 'ese ai ma Ausetalia se tagata ua faalausoso'o ona faasalaina i le fale puipui i ni solitulafono matuia.  O se tasi o faai'uga na toe soloia e le AAT, o le faatonuga a le matagaluega e tipoti 'ese ai se patele o le Ekalesia Katoliko Roma i lona atunuu o Ireland ona o ana solitulafono o le faia o feusua'iga faamalosi i tamaiti.