Iloiloina se si'itaga i le totogi aupito maualalo i Samoa

Na fa'aalia e le pule faatonu o le matagaluega o Pisinisi, Alamanuia ma Leipa i Samoa, Pulotu Lynden Chu Ling, o loo silasila le pulega i le fautuaina o se si'itaga i le totogi aupito maualalo (minimum wage) i Samoa.

ST$20 ma le ST$10 tupe Samoa. (Image by Galumalemana Autagavaia/SBS Samoan).

Na saunoa Pulotu i le talanoaga e pei ona fa'asalalauina atu (kiliki le ata), ma le sui o le SBS Samoan i Apia, Galumalemana Autagavaia Tipi, ua tele tausaga o loka i le ST$3 i le itula le totogi aupito maualalo i Samoa.

Ae na ia fa'aalia fo'i o le mata'upu lenei e tatau lava ona solaupule faatasi ma kamupani ma pisinisi, atoa ai faalapotopotoga e pei o le Chamber of Commerce, ona o kamupani nei o loo fa'afaigaluegaina tagata i le atunu'u.