Kofe ma le Popo e atia'e ai aiga i Timor Leste.

O le fesoasoani a ni fitafita Ausetalia ua maua ai se maketi mo le Kofe Vao ma le Sua'u Popo ua manuia ai le tele o aiga i Timor Leste.

Dortia Kese ma Shannon French. Source: SBS

I le lata i le 20 tausaga ua mavae, na galue ai Shannon French i le vaegaau tausi filemu a Ausetalia i Timor Leste ma na aafia ai i faafitauli o le mafaufau (Post Traumatic Stress Disorder) ona o mea na ia molimauina i le taua ma le fouvale. Mo se fofo i ona faafitauli na toe fo'i ai o ia i Timor Leste ma faavaeina se Kamupani e tau ai le Kofe Vao ma faatau i se fale'aiga i Melbourne, ma ua amataina fo'i se Kamupani e gaosi ai le suau'u popo ma faatau mai i Ausetalia.