E le gata i le tatalaina o Sa ma Vavao i feoa'iga o tagata i le va o Setete ma Teritori i Ausetalia, ae ua faapena fo'i ona silasila i le toe tatalaina o faigamalaga mai Niu Sila i Ausetalia nei.
Ua si'itia le aofa'i o tagata e mafai ona potopoto ma asiasi i isi aiga i le tele o Setete, si'itia le aofa'i o tagata e faatagaina i papu, kalapu ma fale'aiga, atoa ai sauniga o faaipoipoga ma maliu.
E ui i le maualalo o le aofa'i o tagata o loo pesia i New South Wales, ae na faaalia e le palemia Setete, Gladys Berejiklian, e le o iai se fuafuaga e si'itia le aofa'i o tagata malaga mai fafo e taliaina i le Setete mai le 3,000 i le vaiaso o iai nei.
