O i latou nei mai le 8,5000 tagata ua faatagaina ona lafo a latou palota ae le'i o'o i le Aso Faraile, le aso ua 'atofaina mo palota tele a le atunu'u.
E tusa ai ma le ripoti a le sui o le SBS i Samoa, Galumalemana Autagavaia Tipi, e lata i le 130,000 tagata palota i Samoa, o le a palotaina sui e to'a 51 o le palamene. (E mafai ona maualuga atu pe le 'ausia le aofa'i o le tapula'a o sui tama'ita'i e manumalo mai i le faigapalota).
I le taimi nei, ua mautinoa sui e 6 o le HRPP ona o nisi o itumalo palota o HRPP uma o loo tauva ai, ma le itumalo o Lepa e le faia se palota. Ua mautinoa le sui e to'atasi o le Faatuatua i le Atua Samoa ua Tasi (FAST) ona e le faia se palota a Lotofaga lea ua toe manumalo mai ai Fiame Naomi Mata'afa.
