Lamatia le paneta i le vevela ona o tagata

Ua faaalia e le 'au saienisi e gafa ma mataupu i suiga i le tau le a'afiaga o le paneta i le vevela ona o so'otaga ma suiga i le tau e afua mai i tagata.

Mauga 'aisa tafea aga'i i se su'u i Greenland. Source: Ritzau Scanpix AAP

O le tau malulu lenei i Ausetalia ae ua faitau vaiaso o mugala ma o'o le mafanafana i le va o le 20 ma le 25 tikeri Celcius.  I Greece ma Amerika ua molimauina ai ni mu tetele ma ua maliliu ai tagata. Ae i Iapani na maliliu ai le lata i le to'a 100 ona o le tetele o lologa. Na saunoa Brenda Ekwurzel o le Union of Concerned Scientists o suiga nei i le tau e mafua sa'o mai i le faaogaina pea o le Koale ma le suau'u atoa ai le soona faaoga o la'au o le vaomatua.