Lau i le vaiaso fou le faai'uga o le tagi a Olo ma Faumuina.

O le Aso Gafua o le vaiaso o muamua e lauina mai ai le faai'uga a le faamasinoga maualuga i Apia i le tagi a Olo Fiti Va'ai ma Faumuina Wayne Fong e faasaga i le faai'uga a le fofoga fetalai lea ua faaleaogaina ai o la tofi faipule i le vaega o totoe nei o le paea'iga a le palemene.

FAST Political Party fast off the mark. Source: SBS/Galumalemana Autagavaia Tipi.

O Olo Fiti Va'ai, le sui o Salega i Sasa'e, na tauva ma manumalo mai i palota talu ai o se sui tuto'atasi, ae o Faunuina Wayne Fong, le sui o Faleata i Sasa'e, na tauva i lalo o le fu'a a le HRPP.

Ina ua resitaraina o la suafa e avea ma sui tauva o le FAST (Faatuatua i le Atua Samoa us Tasi) i faigapalota o le tausaga fou, na faia ai le faai'uga a le fofoga fetalai o le palemene, Tole'afoa Faafisi, e soloia o la nofoa mo le vaega o totoe ole paea'iga ona ua la solia le tulafono faavae e faasaina ai ona suia se vaega 'upufai a se sui faipule ae le'i mae'a le paea'iga.