O le 'auga o le fautuaga a le Komisi, o loo faavae i le manatu e le tatau ona iai se 'exemption' i lotu ma Ekalesia e te'ena ai faia'oga poo tamaiti a'oga o itupa LGBTQI+ (fa'afafine, fa'afatama, gay ma isi) e faavae i ni o latou talitonuga ma tala'iga.
I le manatu o le Komisi, o le aia faapitoa lenei, ua mafai ai e lotu ma Ekalesia ona faia ni faai'uga e fete'ena'i ma tulafono i aia tatau, aia tutusa ma le manatu faapito pe faailoga tagata, poo anti-discrimination laws.
O loo tete'e faalapotopotoga a lotu ma Ekalesia i fautuaga mai le ripoti, ae ua faaalia e le palemia e le tu'uina i le palemene se'i vagana ua faaali manino mai le lagolagoina e le ituagai o le ripoti a le Law Reform Commission.
