Ua 'ai'oi le failautusi o le matagaluega a le palemia, le ta'ita'ifono o le komiti i taimi o faalavelave faafuase'i, Agafili
Shem Leo, i seila Samoa o loo tausi puipuia nei i faletalimalo i Apia, ina ia malilie o mea'ai o loo tausi ai i latou i faletalimalo (sapasui, kale, talo), o mea'ai fo'i ia na tausi ai le 'ova i le 4,000 o isi tagata Samoa i lalo o le quarantine a le malo.
Na ta'ua i se ripoti a Galumalemana Autagavaia mai Apia, na iai se faasea mai nisi o seila i le le malulu lelei o potu i le air conditioner ma le leaga o mea'ai o loo tausi ai i latou.
Na saunoa Agafili, e uma loa le 21 aso o le quarantine, ona toe fo'i lea o i latou nei i le reality o le soifuaga i Samoa i mea'ai ma le tausiga masani i totonu o aiga, nu'u ma alaalafaga.
