Le toe galue i va'a Aisoli Fa'apusa Te'o

Na toe taliu i Samoa i le malaga i le Aso 22 o Ianuari le to'atele o ali'i seila na galulue i atunu'u i fafo i Kamupani va'a la'uoloa ma meli la'u pasese.

Maasdam Liner Source: AAP

Na faato'a toe taliu ai i le atunu'u ma le ali'i seila o Aisoli Faapusa Te'o ina ua mae'a le 10 masina na faasalaina ai se falepuipui i Amerika i le solitulafono o le faao'olima e faaogaina ai se 'a'upega (se aga'ese).

I se talanoaga ma le sui o le SBS i Samoa, Galumalemana Autagavaia Tipi Autagavaia, na ta'ua e Aisoli ua le toe maua sana galuega i luga o va'a ona o lana solitulafono.

Na ia faaalia fo'i o se galuega sa aoga i le tausiga o lona aiga ma sona sao i le atina'e o le tamao'aiga o Samoa.