Leai se nofoaga o faiga terorisi i Ausetalia: Anthony Albanese.

O le osofa'iga na faia e se tama talavou e 16 tausaga le matua i le malumalu o le Ekalesia Christ the Good Shepherd Church i Wakefield i Sini, ua faaigoaina e le Komesina o leoleo i New South Wales o se osofa'iga terorisi.

Police are seen following a stabbing at Christ The Good Shepherd Church in the suburb of Wakeley in Sydney, Monday, April 15, 2024. Police have pushed back an angry mob outside a church in Sydney's west after a bishop and three parishioners were stabbed during a service. (AAP Image/Paul Braven) NO ARCHIVING Credit: PAUL BRAVEN/AAPIMAGE

Na faia le osofa'iga a le taule'ale'a talavou ae o faia se sauniga i le po o le Aso Gafua na te'a nei i le malumalu o le Christ the Good Shepherd i Wakefield, o se Ekalesia a tagata e afua mai i Asuria. E matuia manu'aga o le ta'ita'i o le sauniga, o le ta'ita'i fo'i o le Ekalesia, Bishop Mar Mari Emmanuel.

O le sauniga na faasalalauina sa'o (live stream) i luga o le 'upega tafa'ilagi, ma na vave ona mauaina le tala i le osofa'iga e isi tagata tapua'i e le'i iai i le falesa. O i latou nei na vave ona auai atu ma latou osofa'ia leoleo ma le 'aufaigaluega a ta'avale falema'i i le fia taui ma sui i le tama na faia le osofa'iga ae o iai pea i totonu o le falesa.

Ua vala'au le palemia ma le ta'ita'i o le itu-agai i le atunu'u ina ia tausisi i le to'afilemu ma tu'uina le mata'upu i leoleo ma le tulafono.