Le'i auai Julian Assange i le aso muamua o lana apili i Lonetona.

Na faaalia e loia o loo tula'i mo Julian Assange, ua le mafai ona auai o ia i le faamasinoga ona o loo a'afia i se gasegase. O le apili lenei o loo talosaga ai Julian Assange e taofia se faatonuga, se extradition order, e tu'uina ai o ia i Amerika e tali i ona moliaga o le faasalalauina o faamatalaga puipuia a le militari a Amerika i luga o le 'upega o feso'ota'iga. O le vaiaso nei na talosagaina ai e le malo tele i Ausetalia faigamalo i Peretania ma Amerika e tatala Assange e toe fo'i mai i lona aiga i Ausetalia.

Ta'ita'i o le Wikileaks Julian Assange i Lonerona. Source: AAP