Ma-asiasi le malo i le palota faatasi ma le One Nation - it's okay to be white.

Ua toe liliu le palota a sui o le malo i le Senate mai le Ioe i le Leai ina ua faitioina lo latou lagolagoina o le mau a le ta'ita'i o le One Nation, Pauline Hanson,' it's okay to be white.'

Le ta'ita'i o le malo i le Senate, Senator Mathias Cormann. Source: AAP

E ui o le 'auga o le mau a Pauline Hanson o loo finau mai ua pei e le toe taua tu ma aga faa-Europa i Ausetalia nei, ae o le faaogaina o se muagagana e masania ai faalapotopotoga lauiloa i le faailogalanu i le lalolagi 'it's okay to be white' na vave ona faitioina malosi ae maise lava mai le ta'ita'i o le Greens Richard di Natale. Na saunoa le ta'ita'i o le malo i le Senate, Mathias Cormann, o se sasi i le faatonuga mai se ofisa o le malo na mafua ai ona palota e lagolago i le mau, ae le o le talitonuga moni lea o le malo.