Mau tete'e a Kanak i Niu Kaletonia

E to'a ono tagata ua maliliu ma le faitau selau tagatanu'u Kanak ua saisaia e leoleo mai lenei tete'e.

Peresitene o Farani, Emmanuel Macron i le male va'alele i Noumea. Credit: LUDOVIC MARIN / POOL/EPA

O le Mau tete'e na fa'asino i ni teuteuga o le tulafono o faigapalota fa'aitumalo i Niu Kaletonia, na tu'uina ai le aia i tagatanu'u mai Farani ua 10 tausaga o aumau i Niu Kaletonia e palota ai i faigapalota o pulega faaitumalo.

I le va'ai iai a tagata Kanak, o le a atili fulisia ai le pule fa'a'upufai i tagata mai Farani, ae atili solipalaina ai a latou aia tatau, o tagata moni o Niu Kaletonia.