Faitioina le tulafono a le malo i sa'olotoga o tapua'iga.

Ua tutu faatasi nisi o Ekalesia ma faalapotopotoga e faitioina le tulafono taufaaofi a le malo tele i le sa'otoga i tapua'iga i Ausetalia.

St Mary's Cathedral, Sydney. Source: Moment RF

O le 'auga o le faitioga, o le manatu ua aumaia i le tulafono taufaaofi le faatagaga i Ekalesia ma Tapua'iga e faia ai faai'uga manatu faapito e a'afia ai tagata e le o mulimuli ma auai i ia tapua'iga. E pei ona saunoa Bronwyn Pike o le Ekalesia So'ofaatasi, le Uniting Church, o le a mafai ai e Ekalesia ma tapua'iga ona te'ena tagata o loo mana'omia 'au'aunaga i le soifua maloloina, fale ma a'oga.