O le Aso Lulu o le vaiaso o muamua e fofogaina ai finauga a itu e 2 o le mataupu e pei ona faaulu ai le tagi a le vaega 'upufai a le Faatuatua i le Atua Samoa ua Tasi (FAST) i le faai'uga na saini 'a'ao ai le Ao o le Malo Samoa e tofia se sui tama'ita'i faaopoopo i le palemene.
O le faai'uga e tusa ai ma nisi o ripoti, na faia e le Komesina o le Ofisa o Faigapalota i lalo o le vaega o le Faavae o loo mana'omia ai le 10% o sui o le palemene, o sui mai le itupa o tama'ita'i.
I teuteuga o le tulafono o faigapalota na si'itia ai le aofa'i o sui o le palemene mai le 49 i le 51, ma e to'a 5 sui tama'ita'i ma malo mai i faigaplaota i le Aso 9 o le masina na te'a nei.
Share
