O le a le tulaga o sui tuto'atasi e resitara i se vaega 'upufai e le'i faia palota?

O lea e le'i mae'a le paea'iga a le palemene o iai nei, ae ua faaalia e le sui tuto'atasi le faipule o Salega i Sasa'e, 'Olo Fiti, o ia ua uma ona resitara i lalo o le vaega 'upufai a le FAST (Faatuatua i le Atua Samoa ua Tasi) e tauva ai i palota i le tausaga fou.

'Olo Fiti (far right) when he was a member of Tautua Samoa Party. Source: SBS/Galumalemana Autagavaia Tipi.

O le fesili - O le a le tulaga o le Faavae ma le Tulafono o Faigapalota i se sui tuto'atasi e avea ma sui o se vaega 'upufai ae le'i mae'a le paea'iga o le palemene?

E pei o le tulaga na toe faia ai palota laiti mo le nofoa o Gaga'mauga Numera 3 lea na faia ina ua le toe avea La'auli Polataivao Schmidt ma sui o le HRPP?

Na fesiligia e le sui o le SBS i Samoa, Galumalemana Autagavaia Tipi se finagalo o le sui o Salega, 'Olo Fiti i le faai'uga e tatau ona faia i lona nofoa.