Na aumai le faai'uga a le Faamasinoga Maualuga na faaleaogaina ai le faatonuga a le Ao o le Malo e toe faia palota, aumai ma le faai'uga a le Faamasinoga o Faai'uga toe Iloilo e faatumauina ai le faai'uga a le Supreme Court, faaalia faalaua'itele e le Ao o le Malo le tauaofiaga o le palemene a taeao (24 Me 2021), ae faaui i tua e ia lava lana faatonuga e aunoa ma se mafua'aga e tu'uina mai.
O se mea e le masani ai le tatalaina o faitoto'a o le Faamasinoga o Samoa i se Aso Sa, ae o analeila, na tagofia ai e le Faamasinoga maualuga seisi tagi a le vaega 'upufai Faatuatua i le Atua Samoa ua Tasi (FAST), ina ua toe suia le faai'uga a le Ao o le Malo ma ia faatonuina ai e le tauaofia le palemene a taeao, e pei ona ia faatonuina muamua mai.
O loo aofia i le ripoti lenei se faatalanoaga ma le loia o loo tula'i mo le FAST, Taulapapa Brenda Heather Latu.
Share
