O le ta'ita'i o le FAST poo se sui tuto'atasi Fiame Naomi Mata'afa?

O le Aso Lulu o le vaiaso o muamua e toe fofogaina ai i le faamasinoga maualuga i Apia le tagi a le vaega 'upufai le Faatuatua i le Atua Samoa ua Tasi (FAST) e faasaga i le Ofisa o le Komesina o Faigapalota ma lana faai'uga lea na tofia ai se sui tamaita'i faaopoopo i le palemene - o se sui e le'i manumalo mai i faigapalota i le Aso 9 o Aperila.

Fiame Naomi Mata'afa ma sui o le FAST Source: FAST/Faumuina Wayne Fong

Ae ua toe laga finagalo o nisi (e aofia ai le ta'ita'i o le FAST, Fiame Naomi Mata'afa) i seisi faai'uga a le Komesina o le Ofisa o Faigapalota, na ia ta'ua ai, o le faai'uga o loo ta'oto ai nei le palota na alo atu iai le atunu'u, e 26 nofoa o loo i le itu a le HRPP, ae 24 nofoa a le FAST, 2 nofoa tuto'atasi (o Tuala Tevaga Ponifasio ma Fiame Naomi Mata'afa).

Faafofoga i le tala lenei e pei ona lipotia mai e le sui o le SBS i Samoa, Galumalemana Autagavaia Tipi.