E 'ova i le 1,300 tagata o le tapua'iga Isalama ua faamaonia le maliliu ae o auai i le fa'atasiga le Hajj pilgrimage a tagata Moselemi i le 'a'ai pa'ia o Mecca i Saudi Arabia.
E lata i le to'a 2 miliona tagata na auai i le Hajj o lenei tausaga, ma na o'o i le 50 tikeri le maualuga o le vevela.
O lo'o tu'ua'ia le faigamalo i Saudi Arabia i le le lava tapena mo le to'atele o tagata e asiasi atu i le Hajj, ae na fa'aalia e le minisita o le soifua maloloina i Saudi Arabia, o le 83% o tagata na auai atu mai isi atunu'u e le'i iai ni pemita na ulufale atu ai.
Share
