Pasia tulafono e 3 i Sa'o ma le Faamasinoga o Fanua ma Suafa i Samoa.

E ui i le malosi o le tete'e a sui o Lotofaga, Faleata, Gagaifomauga ma Salega, ae na pasia lava i le lagolagoina e le to'atele o sui o le HRPP tulafono e 3 e pei ona malolosi iai finagalo faaalia o sui faipule ma le atunu'u atoa.

Olo Fiti Va'ai (left), Laaulialemalietoa Polaiataivao Schmidt ma Faumuina Wayne Fong. Source: SBS Samoan Program/Galumalemana Autagavaia Tipi.

O lona uiga o le a tuto'atasi nei le Faamasinoga o Fanua ma Suafa i Samoa mai isi faamasinoga. O le a toe apili pe faauluina se talosaga a tagatanu'u Samoa i le Faamasinoga Maualuga (le Supreme Court) e toe iloilo ai se faai'uga e tu'uina mai e le Faamasinoga o Fanua ma Suafa.

Ue toe faaui i tua e le malo le vaega o lana tulafono taufa'aofi na faatapula'aina ai le aofa'i o Sa'o o se aiga i le 5. Ae o lea ua toe tu'uina i le pule a aiga potopoto ma alaalafaga e faia la latou filifiliga e pei ona masani ai.

O loo tete'e pea le sosaiete a loia ma nisi o faalapotopotoga i tulafono ona o loo finau i latou o le a afaina ai aia tatau ma sa'olotoga o tagata Samoa.