Pe ua tau mama teisi le Sa o le HRPP?

Na saunoa le palemia o Samoa Tuilaepa Sailele Malielegaoi i le sui palemia ma le Kapeneta i totonu o le palemene, a le lagolagoina seisi o i latou 'collective decisions' a le malo ua latou iloa le mea e tatau ona fai.

Sui Faipule o Lotofaga, Afioga Fiame Naomi Mata'afa. Source: RNZ.

E pei ona lipotia mai e Galumalemana Autagavaia Tipi Autagavaia mai Apia, o le fe'ese'esea'iga o manatu o le palemia ma le sui palemia Fiame Naomi Mata'afa, na faafofoga uma iai le atunu'u ae o faasalalauina alumaga o le fono faitulafono i felafolafoa'iga e faatatau i teuteuga o le Tulafono o Faigapalota.

O le tu'ualalo a Fiame i le Komiti pe le tatau ona toe silasila i ni vaega o le teuteuga e ono afaina ai nisi o tu ma aga a Samoa, na tula'i ai le palemia ma saunoa e iai lava le ti'apolo e taumafai e faalavelave i tulafono a le malo.

Mo le vaega atoa o le laumoli a ta'ita'i o le HRPP, faafofoga i le ripoti a Galumalemana.