Tete'e Pope Penitito i le fa'au'uina o tagata fa'aipoipo e avea ma patele.

O loo fesiligia e nisi le tala feagai o le finagalo faaalia o Pope Penitito XVI, le sa avea ma TupuSa o le Ekalesia Katoliko Roma, ae na faamavae ma le tofi i le 2013.

Pope Penitito XVI (agavale) ma Pope Francis. Source: ANSA/L'OSSERVATORE ROMANO

I se tusi na tusia faatasi e Pope Penitito XVI ma se tasi o Katinale o le Ekalesia Katoliko Roma, o loo tuleia ai se mau i le tatau ona na o ali'i e le'i faia ni ta'ito'alua pe tapu ona auai i feusua'iga (celibate) e fa'au'uina i le tofi patele o le Ekalesia. O se mau o loo fete'ena'i ma le faaaliga a le TupuSa Pope Francis, na ia faaalia i le tausaga na te'a nei le ono silasila o lana nofoa'iga i se suiga e mafai ai ona fa'au'uina ali'i ua faaipoipo e avea ma patele, ae maise i le Amazon i Amerika i Saute ma isi atunu'u o lo'o gaogao ma 'uti'uti ai le 'aufaigaluega.