I se fonotaga na usuia i Canberra e talanoaina ai le mataupu i le va nonofo o Ausetalia ma atunu'u o le Pasefika, na saunoa ai le UN Regional Anti-Corruption Adviser in the Pacific, Annika Wythes, o puipuiga o tua'oi i le vaitaimi lenei e ono sao ai ma faiga le faamaoni ma le lafoa'i o le tiute o nisi o ta'ita'i i le Pasefika i faigamalo lelei ma faigamalo manino (transparency).
Na saunoa Annika Wythes, ua molimauina i tausaga ua mavae le tele o fesoasoani na tu'uina atu i lalo o foa'i le foreign aid ma isi auala o fesoasoani i atunu'u o le Pasefika i taimi o faalavelave faa-natura e pei o afa, lologa ma tsunami, ae i'u ane ua leiloa poo fea ua tafea iai.
Na ia faaalia lona popolega i le faama'i e pei ona feagai nei ma le lalolagi ma le tulaga e faatuai ai ona toe tupu mai atina'e o atunuu o le Pasefika i se tulaga manuia ona o faiga le faamaoni, le amiotonu (corruption) i nisi o ta'ita'i o le malo ma ulu o matagaluega.
