Mana'omia pepa faamaonia o tui puipui faato'a talia tamaiti i a'oga amata i Samoa.

Ua tu'uina se faaaliga faalaua'itele a le Matagaluega o A'oga i Samoa o loo faatonuina ai a'oga tulaga lua uma ina ia silasila i pepa faamaonia o tui puipui o tamaiti ae le'i taliaina.

Tamaiti Samoa i le matafaga. Source: SBS/Samoan Program

O le tausaga muamua lenei ua aofia ai vasega o a'oga amata i a'oga tulaga lua i Samoa, ma o le tatalaina o faitoto'a o a'oga i le atunu'u i le 2020, ua amataina talu mai ona matua a'afia Samoa (ae maise le fanau laiti) i le pepesi o le faama'i misela i le tausaga na te'a nei. I se isi tala i le ripoti a Galumalemana Autagavaia mai Apia, e to'a 113 tagatanu'u Samoa ua fa'amanuiaina i sikolasipi e a'o'oga ai i Iunivesite i Niu Sila ma Ausetalia.