Se talanoaga ma le sui faa-tama o le Fono Fautua a Tagata Samoa i Vitoria, Muli'agatele Muagututi'a Lemau Faatau, i le tulaga ua vaeluaina ai le fono i taimi nei.
E tusa ai ma le faamatalaga a Muli'agatele, o le faafitauli na tula'i mai ina ua le taliaina e le laulau-a-fono na te'a nei le faai'uga o le palota na faia i le fono tele, le AGM i le masina o Novema o le tausaga talu ai, lea na filifilia ai ni sui fou i tofiga o le peresitene ma le teutupe. E le gata i lea, na saunoa fo'i Muli'agatele na talaina i tua e sui o le laulau tuai tupe mai le faaputuga tupe teu a le fono e aunoa ma se silafia poo le maliega a le laulau-a-fono fou.
Share
