Tulafono a le malo mo puipuiga o Samoa mai le coronavirus

Ua matua faamamafaina e le malo tutoa'atasi o Samoa tulafono e puipuia ai le atunu'u mai se faama'i tele e mafua mai i le coronavirus.

Nofoaga faatali pasi, Salelologa. Source: SBS Samoan Program/Ioane Lafoa'i Ah Soon.

E aofia i tulafono ma aiaiga nei le siakiina o va'a e taunu'u i ogasami o Samoa ma fia taula i uafu o le atunu'u - e aofia ai va'a faila. E le gata i lea, ua faatulafonoina pepa faamaonia o siaki faa-foma'i a tagata uma e taunu'u i le malae vaalele faavaomalo i Faleolo, e aofia ai tagatanu'u Samoa e toe taliu atu mai faigamalaga i atunu'u i fafo.