Ua faaalia atugaluga o le sosaiete a loia ma faamasino o le faamasinoga i Samoa i le tulafono taufa'aofi a le malo e tuto'atasi ai le faamasinoga o fanua ma suafa i Samoa.
E pei ona lipotia e Galumalemana Autagavaia Tipi mai Apia, o se tasi o vaega o le popolega o le sosaiete a loia ma faamasino, o le ono ave'esea i lalo o le fuafuaga lenei o le aia tatau a se tagata Samoa e tagi ai i le faamasinoga maualuga e toe iloilo se faai'uga na aumaia e le faamasinoga o fanua ma suafa.
O loo iai foi ma se faasea i le le amana'iaina e le Komisi na gafa ma le su'esu'eina ma fautuaina le malo i le tulafono taufa'aofi, o le tele o manatu faaalia e tagata lautele i le teuteuga.
Share
