Toe fo'i falepuipui i Samoa i lalo o le matagaluega o leoleo.

Ua faamavae le Komesina o le matagaluega o falepuipui i Samoa, Taito Edward Winterstein, ma ua faaalia e le palemia o Samoa le soloia o le pulega o falepuipui ma toe faafo'i le pulea o falepuipui i lalo o le matagaluega o leoleo.

Falepuipui i Tanumalala, Samoa. Source: Samoa Global News.

E aumaia lenei faaaliga ae faato'a faitau aso talu ona sosola ni pagota e 'ova i le to'a tolu sefulu mai le falepuipui i Tanumalala, ma e ui i le toe pue'ina ma saisaia le to'atele o i latou, o loo i tua pea o pa le sola'aga a nisi o pagota se to'a fa.