Na faaalia e le palemia o Samoa Tuilaepa Sailele Malielegaoi sana faasea i le lipotia faalausoso'o o tala i feusua'iga solitulafono e faia e tama i o latou afafine i luga o le TV ma leitio i le atunu'u.
O le faatalanoaga masani faavaiaso a le palemia ma le 2AP na ta'ua ai e Tuilaepa toetoe lava o aso uma o le vaiaso e faalogo ma va'ai ai i se ripoti o se tama poo se faife'au ua molia ma faasalaina i le pule le uma ma se teineititi. Na ia ta'ua o le tele o taimi e valaau ai i se tama e tape le TV. O se faiga a le 'autusitala ua avatu ai se fe'au i atunu'u i fafo, o se faafitauli lenei e ta'atele i Samoa.
Share
